BAKU, AZERBEIDJAN, AFP.- Azerbeidjan a indiká djárason ku e pais a poderá di vários posishon i destruí ophetivonan armenio na Nagorno Karabaj, despues di kombatenan ku a laga tres morto i rebibá temor pa un eskala atrobe den e enklave montañoso.
Trupanan di Azerbeidjan “a tuma kòntròl na vários altura”, i ta reforsando su posishon, segun indikashon di e ministerio di Defensa di Azerbeidjan den un komunikado.
Ámbos parti a informá ku por lo ménos dos separatista armenio a muri i tambe un sòldá di Azerbeidjan, den konfrontashonnan alrededor di Karabaj, generando temor pa un guera nobo, despues di 2020.
E insidentenan ta un menasa pa e kombersashonnan di pas ku Azerbeidjan ta teniendo ku Armenia ya pa vários luna kaba, ku mediashon di Union Europeo.