WASHINGTON, AP.- E komentario di e titular di Organisashon di Estadonan di Amérika tokante un intervenshon militar den Venezuela por kousa un impakto den e debate ku ta andando den e kontinente. Aktualmente e debate ta trata formanan kon pa atendé ku e krísis ku e nashon venezolano ta pasando aden.

E palabranan di Luis Almagro “ta kambia e kurso di e kombersashon” pasó “esaki ta habri porta pa un intervenshon internashonal den Venezuela”. Asina Eric Fansworth, visepresidente di Council òf the Americas and Americas Society a bisa djaluna na The Associated Press.

Almagro, un di e personanan mas kritiko kontra presidente Nicolás Maduro, a bisa djabièrnè ku “pa loke ta un intervenshon militar pa kita Nicolás Maduro di su puesto, nos no mester deskartá ningun opshon”.

Algun ora despues, 11 pais latinoamerikano a ekspresá su preokupashon i rechaso pa kualkier kurso òf deklarashon ku ta impliká un intervenshon militar den Venezuela.

Roger Noriega eksperto spesial den American Enterprise Institute, a konsiderá ku e komentarionan di Almagro por move e debate den e direkshon ku ta atendé e dos temanan “si e miembronan honesto di kuerpo di seguridat na Venezuela mester reskatá su pais i si e komunidat internashonal mester intervení pa protehá e siudadanonan”.

Nashon Uní ta kalkulá ku por lo ménos 2,5 mion venezolano a bandoná su pais pa hui di e skarsedat severo di alimentonan di remedi i tambe un hiperinflashon afektá e poder di kompra den e pais.

LAGA UN KOMENTARIO

Please enter your comment!
Please enter your name here