LOS ANGELES.-Notisia a drenta ku e legendario komentarista Larry King a fayesé awe djasabra den e hospital Cedars-Sinai Medical Center na Los Angeles, Merka. Larry King ta un ikono merikano den mundu di radio i televishon. El a entrevista lidernan mundial, e artistanan di sine di mas grandi, pero tambe e personanan di mas simpel. King a muri na edat di 87 aña.
E agensia di notisia AP ta konfirmá ku e yu di Larry, esta Chance King a konfirmá morto di su tata. Na e momentu di e morto no a duna ofisialmente kua ta e kousa di morto di King sinembargo dia 2 di yanüari último CNN a informa ku a hospitalisá Larry King pa mas ku un siman debí na síntomanan di Covid-19.
Larry King ta un presentadó for di 1985 pa 2010 na CNN tur anochi. Su entrevistanan i debatenan polítiko ta algu ku pa semper lo keda den mente di tur esnan ku a logra mira nan. King a hiba alrededor di 50.000 entrevista den aire i na 1995 el a presidí un kumbre pa pas na Medio Oriente ku Yasser Arafat, rei Hussein di Jordania i promé minister israelí Yitzhak Rabin.
Larry King un berdadero ikono di medio di komunikashon, rekonosé na nivel mundial.
