GINEBRA, SUISA, AFP.- Komité Internashonal di Krus Kora (CICR) a informá djárason ku e organisashon a bira víktima di un cyberattack masivo kaminda hackernan a hòrta datonan di mas di 515.000 persona ekstremadamente vulnerabel.
“E atake aki ta pone personanan vulnerabel na riesgo, esnan ku mester di servisio humanitario”, segun indikashon di e direktor general di CICR, Robert Mardini, den un komunikado.
E organisashon, ku sede na Ginebra, no tin informashon riba outornan di e atake, kual su meta tabata un empresa eksterno kual CICR tin kontakto kuné pa warda datonan.
“Nos no sa ken ta responsabel pa e atake, ni e motibu dikon a ehekutá esaki. Nan akshonnan por kousa mas daño i doló na esnan ku ya a soportá un sufrimentu largu”, segun indikashon di Mardini.
Segun CICR ainda no tin indikashon ku e informashon a wòrdu publiká òf kompartí públikamente.
Mardini e pidi pa “no kompartí, bende, publiká òf usa e datonan di ningun manera”.
