WASHINGTON (AFP).- Den kareda di 20 estado norteamerikano, entre nan New York, California i Pensylvania, a anunsiá di lo presentá un demanda kontra dje impuesto nobo di 10% imponé pa e presidente Donald Trump despues ku Korte Superior a anulá esnan anterior. E estadonan ta denunsiá ku e presidente ta apliká parsialmente un lei di 1974 sin respetá un parti dje teksto, ku na nan opinion ta hasi su aplikashon inbálido.
“Trump ta sigui apliká polítika ilegal i iresponsabel ku e speransa ku ta mantené nan, pero ta merikanonan ta esnan ku ta paga e preis kada dia”, segun e gobernador di California, e demokrat Gavin Newsom.
E máksimo tribunal di Merka a propiná un derota na e polítika komersial dje di dos mandato dje presidente republikano. Pa e motibu ei, Trump a bin ku impuesto di duana di 10%, bálido durante di 150 dia promé ku ta nesesario un votashon di Kongreso pa por mantené.
