SAN JUAN, PUERTO RICO, AP.- E kompania eléktriko di Puerto Rico a kòrta servisio di dos klínika ku ta atendé personanan malu di kanser debí ku esakinan no a paga faktura.
Outoridat di Energia Eléktriko di e isla a indiká djárason ku anteriormente a manda vários atvertensia na dos klínika na Ponce, e segundo siudat mas importante di Puerto Rico.
Outoridatnan a bisa ku a kòrta suministro despues di sigurá ku no tabatin pashèntnan hospitalisá ni otronan ku tabata risibiendo tratamentu.
Empresa no kier a duna mas detaye, inkluyendo kuantu sèn e debe, ya ku e klínikanan ta privá.
Esaki ta e korte eléktriko mas resien di instalashonnan médiko den e pais, komo parti di medida di gobièrnu pa rekoudá sèn meimei di un krísis ekonómiko ku a prolongá durante un dékada.
E kompania eléktriko tin debenan di 9.000 mion dòler.
