Komportashon Alcala-Walle no ta aseptabel pa MAN

Eugene Cleopa ta reakshoná desgustá

WILLEMSTAD.- ‘E kos aki no ta aseptabel pa MAN, mi no sa kon nan ta bai koregí e asuntu aki, pero e loke Marilyn Alcala-Walle a hasi simplemente no ta aseptabel”. Na palabra Eugene Cleopa, parlamentario di hopi trayektoria den polítika i un manista del alma. Di e forma aki el a reakshoná riba e loke Marilyn Alcala-Walle, minister pa PAR den gabinete Rhuggenaath a pone riba ret sosial mustrando dede akusatorio den direkshon di Steven Martina eks minister pa MAN.

… Minister Marilyn Alcalá-Wallé …

Na bon papiamentu por hendenan lo yama esei tiramentu di puña polítiko den direkshon di otro! Riba Facebook Alcala-Walle a pone ku e no a traha pa kompania di seguro, tampoko e no tin akshon den kompania di seguro i na di tres lugá e no a tuma ningun desishon den Konseho di Minister pa faboresé su mes! Ta opvio ku ta Steven Martina a traha na kompania di seguro i ta konosé ku e tin akshon den e kompania.

E komentario di e minister di PAR ta motibu di basta diskushon na nivel di gobièrnu miéntras ku oposishon ta sinta i gosa e pleitu, loke tambe por a keda opservá riba ret sosial.

Pa manista di tur tempu, Eugene Cleopa e kos aki ta inaseptabel. Asta e ta bisa ku e ta inaseptabel pa MAN.

SHARE

LEAVE A REPLY