PARIS, Fransia (AFP).- Organisashonnan palestino, vários pais árabe i oksidental i Nashonnan Uní ayera a rechasá e proposishon di presidente merikano Donald Trump pa saka e poblashon palestino for di Gaza pa para e konflikto entre Hamás i Israel.
Trump a bolbe proponé pa e habitantenan di Gaza, un teritorio den ruina despues di 15 luna di guera entre Israel i Hamás, bai biba na Jordania of Egipto, dos pais ku ya a bisa di no ta di akuerdo.
“Merka lo tuma e kontròl di Gaza”, segun Trump a bisa, sugiriendo un “propiedat pa tempu largu” di Merka pa kombertí e teritorio den ”un riu di Medio Oriente”.
E movementu islamita palestino “a kondená den términonan fuerte e deklarashon di Trump, ku mira riba okupashon norteamerikano di e ‘strook’ di Gaza i pa kore ku nos pueblo”.
Ministerio di Eksterior saudita ta bisa di ta “rechasá di forma kategóriko kualke violashon di e derechinan dje pueblo palestino”.
E minister egipsio di Eksterior, Badr Abdelatty, a mustra riba “e importansia di avansá lihé den proyektonan di rekuperashon, sin ku palestinonan ta bandoná Gaza”.
Na Turkia e gobièrnu a bisa ku “e deklarashon di Trump riba Gaza ta inaseptabel”, miéntras ku China a bisa ku “semper nos a apoyá ku un gobièrnu palestino di palestinonan ta e prinsipio básiko di e gobiernu di Gaza”.
Mesun tipo di reakshon pa Gaza keda di palestinonan a surgi di parti di gobièrnu di Rusia, Liga Arabe, Fransia, Reino Uni, Alemania, Spaña i Brazil.
