ZHIMIN QIAN, “reina di rikesa”
LONDRES (AFP).- Un siudadano chines a keda kondená na Londres na 11 aña i 8 luna di prizòn pa labamentu di plaka, despues di un estafa di invershon den su pais ku a afektá 128.000 viktoria i a habri kaminda pa entrada rèkert di 61.000 bitcoins. E akusado, Zhimin Qian, di 47 aña, ku e apodo “reina di rikesa”, a konbertí den bitcoins parti dje plaka ku el a akumulá mediante froude, kometé entre 2014 i 2017, promé ku el a muda pa Reino Uni, kaminda el a purba laba plaka.
E siudadano chines, guiá pa soñonan di grandesa entre 2014 i 2017 a orkestrá un tipo di froude Ponzi (ku ta enumerá e invershonistanan ku e fondonan di partisipantenan nobo) via di su empresa na Tianjin (den nortost di China). E akusado no a keda husgá na Reino Uni pa esaki, sino pa poseshon i transferensia di propiedat di orígen kriminal, esta bitcoins, pa kua el a deklará su mes kulpabel.
Mas ku 61.000 bitcoins (mas ku 6.000 mion dollar na preis aktual) a keda konfiská den e kaso aki, ku ta representá “e konfiskashon di propiedat di mas grandi di orígen kriminal konfirmá na Europa”, segun polis.
Qian tabata primintí su víktimanan rendimentu di te ku 300%, den mayoria personanan ku masha poko konosementu finansiero, reklutá mediante boka pa boka, riba retnan sosial i presentashonnan públiko. Segun hustisia britániko, mas ku 80 persona ku a traha p’e durante e estafa a keda kondená na China.
