A detené entre otro 5 hulandes
MADRID, Spaña (AFP).- Hustisia spañó ayera a konfirmá e konfiskashon rèkert di 30 tòn di kokaina na un balor di 812 mion euro (956 mion dòler), un siman despues dje operashon, ku a kondusí na detenshon di 23 tripulante dje barku riba kua tabatin e droga.
Ademas di mas ku 1.200 paki di droga, Guardia Sivil tambe a pone man riba armanan di guera na bordo dje barku ku bandera di Comoras ku tabata nabegá den oséano Atlántiko. Entre esnan detené, 17 ta di nashonalidat filipino, sinku hulandes i e último ta di Sürnam.
Fuentenan dje sindikato prinsipal di Guardia Sivil djaluna último a anunsiá e konfiskashon, pero na e okashon ei a referí na entre 35 pa 40 tòn dje droga. Intersepshon dje barku a tuma lugá dia 1e di mei den awanan internashonal dilanti e kostanan di islanan Canario, e archipiélago spañó di oséano Atlántiko, serka dje kostanan afrikano.
