BRASILIA, BRAZIL, AFP.- Manifestantenan indígena tabata embolbí den un konfrontashon ku agentenan polisial dilanti di Kongreso di Brazil djamars. E konfrontashon a laga área kompletamente tapá ku gas lakrimógeno i a kousa suspenshon di un debate di reforma kontroversial den Kongreso.

Aktivistanan a bisa ku a hospitalisá dos persona indígena ku herida grave, i desénas mas a keda levemente heridá. E ofisina di prensa di Kongreso a bisa ku tin por lo ménos tres agente polisial heridá ku flecha.

E ofisina a bisa ku alrededor di 500 manifestante a purba “invadí” entrada di Kongreso i ku polis a reakshoná ku gas lakrimógeno, granada i pepperspray despues ku e indigenanan a ataká e agentenan ku flecha.

Sinembargo, organisadónan di e protesta a bisa ku esaki tabata pasífiko.

E eventonan a pone ku Kongreso a suspendé un seshon di komité riba “PL 490”, un lei ku lo kambia regulashonnan ku ta protehá sierto teritorio indígena. E gruponan aktivista ta protestá kontra e lei pa motibu ku esaki lo habri kaminda pa konstrukshonnan riba reservanan protehá.

LAGA UN KOMENTARIO

Please enter your comment!
Please enter your name here