PARIS, AP.- Polis di Paris a konfrontá ku manifestantenan di e movementu chaleko hel, kual a uni un ola di protesta kontra e reforma di e sistema nashonal di penshun, proponé pa e gobièrnu di Fransia. Diferente manifestante a blòkia kaminda i interumpí e servisio di trein, afektando tur biahe fin di siman den e pais kompleto.
E manifestantenan di chaleko hel a marcha desde e edifisio di Ministerio di Finansa na sùitost di Paris, ku e mesun eksigensianan di aña pasá, pero a agregá nan manifestashon kontra e plan di penshun den e pais. Mayoria a protestá di forma pasífiko, pero algun a tira proyektil òf pusha e agentenan anti disturbio, kual a provoká ku polis mester a usa gas lakrimógeno na vários okashon.
Segun e wèlga a drenta su di tres dia, diferente turista i kumpradó a sufri di e falta di transporte den Paris kompleto i stashonnan di trein ku tabata kasi bashí.
E trahadónan di transporte ta e figura sentral di e wèlga, pero otro gruponan a uni e lucha.
Sinembargo, e káos di transporte no ta kambiando e gobièrnu su opinion. E promé minister Edoard Philippe a bisa klaramente den un diskurso dirigí na e fransesnan djabièrnè ku: “Boso lo mester traha algun aña èkstra”.
