HERUSALEM, AFP.- Sentenáres di palestino a resultá heridá den konfrontashonnan registrá fin di siman tras di lomba na Herusalèm Ost entre manifestantenan i forsanan di seguridat israelí. E insidentenan a kousa preokupashon internashonal pa e posibel propagashon di e situashon tenso.
E insidentenan di violensia den Esplanade di Moskénan di Herusalèm, prinsipalmente den oranan di anochi tabata esun di mas grave desde 2017 i a keda provoká pa e plan di hudiunan pa okupá kasnan palestino den Herusalèm Ost.
E konfrontashonnan a keda registrá den diferente parti di Wèst Bank. A lansa un rakèt desde Gaza “riba e teritorio israelí” den oranan trempan di djadumingu segun indikashon di ehérsito israelí.
Forsanan di seguridat a spùit e palestinonan ku awa ku disolvé e konfrontashonnan. Algun a tira proyektilnan riba polis i e konfrontashonnan a desaroyá den diferente zona di Herusalèm Ost.
