HONG KONG, AP.- Polis a tira gas lakrimógeno kontra manifestantenan ku tabata tira eksplosivo kontra un edifisio di e gobièrnu lokal, den un brote nobo di violensia despues ku míles di manifestante prodemokrasia a marcha den sentro di e siudat desafiando un prohibishon polisial.
Aktivistanan ku maskarada i bisti na pretu a sali riba kaya den e zona komersial Causeway Bay i a marcha dos kilometer rumbo pa e distrito finansiero Sentral. Algun a waya bandera britániko òf merikano.
Polis a rechasá un petishon di Frente Sivil di Derechi Humano pa manifestá, pero esaki no demotivá e pueblo pa keda sin protesta.
E marcha a afektá tráfiko i negoshinan. Algun manifestantenan a forma barikada pa sera kaminda.
E manifestantenan a kima e bandera di China, algun a kibra bentana òf daña kámaranan di vigilansia na un stashon di metro.
Polis a atvertí den un komunikado ku e manifestashon ta ilegal i a pidi tur manifestante pa “stòp ku e aktonan ilegal aki”.
