LIMA, PERU, AFP.- Kongreso di Perú a rechasá un proyekto di lei ku ta kontemplá elekshonnan general pa 2023, meimei di un ola di protesta kontra e presidente Dina Boluarte i parlamentarionan ku a laga 48 morto den shete siman.
Despues di un debate di sinku ora, e rechaso di e segundo proposishon pa adelantá elekshon ku 54 voto na fabor i 68 kontra i 2 apstenshon. Mester di 87 voto pa aprobá e inisiativa legislativo ku ta proponé pa selebrá elekshon den desèmber e aña aki.
E kongresistanan iskierdista a aploudí e rechaso di un proyekto di lei presentá pa partido Forsa Popular, kual ta konta ku sosten di presidente Dina Boluarte.
Boluarte a pidi Kongreso pa aprobá e elekshonnan pa resolvé e krísis sosial den e pais. El a sigurá ku e lo impulsá reformanan konstitushonal pa imponé e elekshonnan aki, asina el a sigurá.
Esaki ta di tres biaha ku Kongreso ta rechasá e petishon pa adelantá elekshon miéntras ku e eksigensia prinsipal di e manifestantenan ta pa skohe un presidente i kongresistanan nobo.
