WASHINGTON, AP.- E funshonarionan prinsipal di seguridat nashonal di gobièrnu di Donald Trump lo wòrdu kuestioná den Kongreso, kontestá pregunta di e polítika kontra Iran. E demókratanan ta desidido na buska un di dos opinion.
E legisladornan a atvertí gobièrnu ku no por deklará guera na Iran sin su konsentimentu.
Trump a menasá djaluna ku ataká Iran “ku tur su forsa” pero na mes momentu el a bisa ku e ta dispuesto na negoshá.
“Nos lo mira kiko ta bai pasa”, asina Trump a bisa na reporteronan.
Ounke no tin negosiashonnan andando ku Iran, ainda e presidente ta dispuesto na negoshá “si nan ta dispuesto”.
E demókratanan a invitá e eks direktor di CIA John Brennan i e eks funshonario di Departamento di estado Wendy Sherman, kende a negoshá e akuerdo nuklear ku Iran.
Brennan, un kritiko enfátiko di Trump a bisa ku su intenshon ta pa duna informashon ophetivo i imparsial.
E demókratanan ta bisa ku Trump a empeorá e situashon dor ku a saka Merka di forma abrupto for di e akuerdo negoshá ku Iran. E akuerdo a wòrdu firma durante Barack Obama su presidensia i ta establesé ku lo aliviá e sanshonnan kontra Iran si e pais limitá su aktividatnan nuklear.