Konosido rapper T.I. ta konfesá ku e ta hiba su yu ginekólogo pa kontrolá virginidat

... T.I. ...

MERKA.- E famoso rapper merikano konosí komo T.I. a duna un deklarashon ku a generá un polémika riba retnan sosial, esaki despues ku el a konfesá ku tur aña e ta bai ku su yu muhé serka un ginekólogo pa sigurá su mes ku e yu muhé ta ‘vírgen’.
Durante di un entrevista den e ‘podcast’ ‘Ladies like Us’, e artista a keda kuestioná si e tabatin kombersashon di sèks ku su yunan muhé, T.I. a bisa si, pero e sorpresa a bin ora ku el a splika ku e ta kompañá su yu muhé di 18 aña, Deyjah Harris pa bishitá un ginekólogo.
‘No solamente mi tabatin kombersashon relashoná ku sèks, pero tur aña nos ta bishitá ginekólogo pa kontrolá su virginidat. Si, mi ta bai kuné’, asina e rapper a deklará.
E músiko di 39 aña a splika ku e promé biaha ku el a disidí di kompañá su yu tabata dia el a kumpli 16 aña. El a splika ku el a buta un nota riba su porta di kamber ku riba dje skibí ‘Ginekólogo, mañan mainta 09.30’.
E dòkter a komentá na Clifford Joseph Harris Jr., nòmber di e kantante, ku e flishi por kibra di diferente manera, koriendo baiskel, monta un kabai òf realisando sierto deportenan, pero Harris a respondé: ‘Dòkter, mi yu no ta monta kabai, no ta usa baiskel i no ta hasi deporte. Please hasi e kontròl i duna mi e resultado’. El a sigurá den e entrevista ku su yu di 18 aña ta vírgen ainda.
E aktitut aki no a keda masha apresiá pa esnan riba retnan sosial ku for di despues ku nan a skucha e entrevista no a duda pa reklamá kontra di e rapper. Nan a kritiká ku e no ta laga su yu liber i ku loke e ta hasi ta un humiashon.
Un kuenta di Twitter ku e nòmber di Deyjah Harris a ‘like’ e komentarionan ku tabata kondená e komportashon di  su tata.

SHARE

LEAVE A REPLY