CARACAS, VENEZUELA, AP.- Un konsehal ofisialista a muri despues di a risibí vários bala den su kas den estado venezolano di Aragua. Asina outoridatnan a informá djabièrnè.
Konsehal Shel l ey Guilarte, di 43 aña, a wòrdu ataká djaweps anochi pa un hòmber armá ku a drenta su kas den lokalidat di Cagua i a tir’é vários biaha.
Asina Fiskal General a indiká den un komunikado publiká riba su página di Internèt.
Guilarte a fayesé algu despues den un hospital di e siudat sentral di Maracay, na Aragua.
Ministerio Públiko i polis hudisial a kuminsá investigashonnan pa aklará e echo. Outoridat no a ofresé detaye tokante motibu di e asesinato.
Venezuela ta un di e paisnan mas violento na mundu ku un tasa di asesinato ku segun registro di Fiskal General a sera 2015, ku 58 pa kada 100.000 habitante, pero ku segun kalkulashonnan no gubernamental a yega un tasa di 90 pa kada 100.000 habitante.
