WILLEMSTAD. – Manera ta konosí dia 11 di sèptèmber tras di lomba korte a trata e disputa ku tin entre di Konseho di Supervishon di ACU ku Direktiva di ACU. E personanan ku te ku medio 2019 tabata forma parti di e Direktiva di ACU a entamá un huisio sumario kontra di e Hunta di Supervishon p’asina pa medio di un veredikto obligá e Hunta di Supervishon mantené e direktiva manera e ta i no stroba nan den nan trabou. E petishon na Korte aki a bin despues di un desishon ku a keda tumá pa sosionan durante un reunion èkstra ordinario dia 21 di yu’i último. Den e reunion ei, e sosionan a pidi pa baha dos persona for di e Hunta di Direktiva loke ku e otro miembronan di direktiva no tabata di akuerdo kuné i eskai a resultá den un kaso den korte.
Ayera hues a dikta fayo i den un veredikto di 5 paginá hues mr. Veling ta motivá su desishon i a rechasá e loke ku e direktiva tabata eksigiendo.
Motivashon di e desishon di hues lo keda ampliá den korant EXTRA mainta.
