WILLEMSTAD.- E sentro merikano pa Kontrol di Malesa i Prevenshon CDC (Centers for Disease Control and Prevention) ta konsehá merikanonan pa evitá biaha pa Kòrsou, si no ta esensial. Asina CDC a publiká riba nan wèpsait. CDC ta forma parti di Departamento di Salubridat di Merka. E ta konsehá merikanonan tokante destinashon di biahe. Awor Kòrsou ta na Level 3 – ‘Evitá tur biahe ku no ta esensial’.
Hende ku tin un riesgo mas haltu pa COVID-19 tin ku posponé tur biahe, inkluyendo biahe esensial, segun CDC. Riesgo di COVID-19 na Kòrsou ta haltu, segun e organisashon. Tambe CDC ta enfatisá ku e kantidat di kasonan nobo di COVID-19 den e último 14 dia a oumentá. Riba wèpsait ta indiká: ‘Si bo ta bira malu ora bo ta riba e isla, rekursonan por ta limitá.’
Pa e motibunan ei e sentro ta deskonsehá merikanonan pa bishitá Kòrsou.

LAGA UN KOMENTARIO

Please enter your comment!
Please enter your name here