SANTIAGO, CHILE, AP.- Skolnan será, operashonnan proponé i trámitenan di registro sivil interumpí ta algun di e efektonan negativo derivá di un paro di tres dia ku funshonarionan públiko ta enkabesando na Chile.
E trahadónan t a demandando pa ahustá salario ku un subida di 7,0% pa 2017 siendo gobièrnu ta ofresé 3,2%. E proposishon ta kumpli 72 ora djabièrnè i por ekstendé te otro siman.
Miéntras ku alumnonan por afektá su proseso di entrada den universidat, servisio di salú tambe ta sufriendo di e konsekuensianan negativo di e medidanan aki.
Registro sivil tambe a uni e protesta i ounke outoridatnan a disponé di servisionan móbil di atenshon, esakinan no ta sufisiente pa e míles di trámitenan ku mester wòrdu atendé diariamente.
Raul de la Puente, presidente di Asosiashon Nashonal di Empleadonan Fiskal ( ANEF) a bisa na prensa ku próksimo djárason lo disidí si e 15 entidatnan ku ta integrá e agrupashon ta reanudá e paro. Tambe a antisipá ku nan lo uni un protesta nashonal ku poder enorme pa purba modifiká e mekanismo di hubilashon di chilenonan, ku den su mayoria ta risibí un penshun hopi abou.
Marcelo Diaz, bosero ofisial di gobièrnu a deklará ku “semper nos a bisa ku paronan den sektor públiko tin un efekto hopi negativo”.
