WILLEMSTAD.- Dia 2 di yüli 2025, pueblo lo selebrá ku orguyo Dia di Bandera. Pa e okashon akí, Fundashon Bon Intenshon ta invitá pueblo di Kòrsou pa selebrá e dia patriótiko akí ku un konsierto grátis riba Brionplein.
For di 8or di anochi, Sonero Son lo deleitá un i tur ku bon músika. Riba programa nan tin piesanan di dos orkesta legendario di Kòrsou: Estrellas del Caribe i San Hose, kombiná ku nan propio repertorio.
Lo ta un anochi yen di ambiente, un anochi di rekuerdo i un anochi di union, manera nos gusta selebrá Dia di Bandera.
Nos ta warda bo dia 2 di yüli for di 8or na Brionplein.
