WILLEMSTAD.- Instituto pa Formashon Musikal ta masha agradesido na e aporte ku Sra. Myrtle Treurniet, ku ta un profeshonal graduá na Konservatorio, a duna na studiantenan avansá di Akademia di Músika, Maestro Errol elToro Colina, i a supervisá e eksámennan final di e nivel semi profeshonal.
Sra. Treurniet pianista i dosente di kanto i piano na Alkmaar pronto lo regresá Ulanda i p’esei mañan djasabra huntu ku e tremendo pianista Johnny Kleinmoedig lo duna un konsierto variá grátis den Fortkerk.
E programa lo konsistà di obranan klásiko i músika di piano di e.o.  Händel, Mozart i Bizet, pero lo tin presentashon tambe  di un repertorio musikal di kansionnan popular i músika di piano lokal.
Durante e konsierto diferente artista ku a a kolaborá pa presentá, manera e.o. Kadir Snijder, Ruth Samson, Wendy Jane Gomes, Paul Samson, Lianne van Wilgen, Sophie i Eloise Torres.
E konsierto ta kuminsá 7.30 di anochi i entrada ta grátis. Lo apresiá kualkier donashon.
