Konsierto Paranda di Fin di Aña
WILLEMSTAD – Randal Corsen & Orchestra a kaba di finalisá un produkshon nobo. Na un konferensia di prensa ayeranochi na restorant The Trader den World Trade Center pa promé biaha por a skucha e tumba nobo ‘Henter Aña den Paranda’ ku kanto di Dibo D(oran), Rich Pieter i Yumarya Grijt. Esei ta konforme tradishon di fin di aña, pa e piesa aki awor por keda zona durante henter aña. Esaki sigur lo ta un di e piesanan ku e banda lo presentá dianan 28 i 29 di desèmber awor den e konsiertonan ku gradualmente a bira un tradishon bou di e lema ‘Paranda di Fin di Aña’ na Landhuis Brakkeput Mei Mei.