MEXICO (AP).- E konteo final di e elekshonnan mèksikano ayera a konfirmá e triunfo di Enrique Peña Nieto. E konteo ofisial di e elekshon presidensial di Mexico a duna e kandidato di Partido revolushonario Institushonal e viktoria ku e lo bolbe na poder despues di un pousa di 12 aña. Pero e konsistensia entre resultadonan di ayera i esnan ku a wòrdu anunsiá djadumingu, dia di e elekshon, no a kalma e sospechonan i denunsianan entre e partidonan.
E kandidato iskierdista Andrés Manuel López Obrador, ku a keda na di dos lugá ku seis punto ménos ku e triunfadó, a bisa ku e lo denunsiá e elekshonnan serka e tribunalnan elektoral otro siman pa ‘limpia e elekshon’.
López Obrador, di e partido iskierdista di Revolushon Demokrátiko, a bisa ku nan a regalá
tarhetanan di supermerkado Soriana pa hasi influensia den e elekshon di djadumingu.
Presidente Felipe Calderón a bisa den un entrevista ku e korant Excélsior a publiká ayera ku ‘outoridatnan elektoral ta obligá pa duna nos tur un kontesta’ pa e akusashonnan.
Lei elektoral no ta prohibí e par t idonan duna opsekionan basta ku report’é komo gastu di kampaña. Pero regalá kosnan pa influensiá un voto ta wòrdu konsiderá un krímen.