WILLEMSTAD.-E tim di Inspekshon Ekonómiko ta hasiendo tremendo trabou riba kaya e dianan aki. Manera a anunsiá e tim ta hasi kontrol na vários área pa pèrkurá ku siudadanonan ta mihó sirbi ku produktonan i preisnan manera mester ta. Di e lugánan ku a kontrolá por mira ku e gran mayoria ta kumpli ku e reglanan. Manera Extra a indiká anteriormente, esakinan ta kontrolnan den kuadro di Operashon Siman Santu.
- Playa Caracasbaai= 1 standplaats OK.
- Baya Beach = nada partikular.
- Playa Marie Pampun = nada partikular.
- Rif/Koredor = nada partikular.
- Playa Parasasa = 2 vent di kual 1 ku ta hasi uso di vehíkulo pa su benta riba lugá di parker di e hotel tabata OK. E otro na pia ku ta bende na laman a wòrdu para debí di no tin un pèrmit pa hasi esaki na laman.
- Piskadera beach= 1 Horeca (Pisk-Arush Restaurant) tabata OK.
- Na haltura di misa di Sint Willibrordus= 1 standplaats di kual a para su operashon pa no tin un pèrmit ekonómiko i tampoko indikashon di preis.
- Daaibooi Beach = nada partikular.
- Sta Cruz= nada partikular.
- Playa Lagun= nada partikular.
- Kenepa Chikí= nada partikular.
- Kenepa Grandi = 1 standplaats (nobo) ku tabata OK.
- Na haltura di Kas pòrtir Playa Kenepa = 1 standplaat ku ta bende koko di kual e operashon a wòrdu para debí ku no por a demostrá un pèrmit ekonómiko.
- Playa Piskadó= nada partikular.
