WILLEMSTAD.- Den oranan di ayera nochi, e tim multidisiplinario forma dor di SBAB, SVB, SOAW I KPC a tene kontrol riba vários establesimentu. Durante di e kontrol a será e snek na Waaigat. A hasi detenshon di un hende muhé indokumenta na e snek No me Olvides riba Winston Churchillweg.
Seguidamente a kontrolá e restorant na krusada Blanquillaweg/Rooseveldweg i tambe e trùk di pan riba Rooseveldweg pero tin di bisa ku nan si tabata tin tur kos na òrdu.
Tim multidisiplinario lo sigui ku mas kontrol den e dia nan benidero.
