CLEVELAND, OHIO, MERKA, AP.- Vários oponente i simpatisadó di Donald Trump a realisá protestanan djaluna na kasi un kilometer di distansia miéntras e Konvenshon Nashonal di Republikano, a kuminsá, ku polisnan atento pa echonan resien di violensia den e pais.
Un di e siguidónan di Trump tabata karga arma, kual ta permití bou di lei di Ohio.
Tabatin un gran presensia mèrdia den e sentro i serka di e Koliseo Arena Quickn, kaminda e konvenshon ta tuma lugá. Solamente un dozein di polis riba baiskel tabata vigilá e manifestashonnan Pro Trump a lo largo di e riu Cuyahoga.
Joel Ameigh, di Hersey, Pennsylvania, kende tabata karga un arma Smith & Wesson na su sintura a bisa ku no nesesariamente e ta apoyá Trump, pero ku e kier skucha a oradornan den e manifestashon yamá “Merka Promé”, organisá pa e grupo Siudadanonan pa Trump.
“Nos no ta akinan komo hendenan peligroso. Nos no ta akinan pa intimidá niun hende. Tin algun lei kontra di e kosnan aki”, asina el a bisa.