WILLEMSTAD. – Kooyman a saka e siman aki via medianan sosial e ganadornan di e Kampaña di fin di Aña “Kooyman, Where the Magic Happens” i a revelá  e kandidatonan p’e  ‘’Magical Box’’ reveal. Den presensia di notario a rifa en total 23 premio; 20 kliente a gana un bòn di Kooyman balorá na Naf. 250,- i 3 kliente a pasa p’e final kompitiendo p’e “Magical Box” kual tabatin komo premio mayó un bòn di Kooyman di Naf. 7500,-.

 

For di fin di novèmber tabatin 3 “Magical boxe” den Kooyman, kada “box” ku nan propio ènvelòp seyá ku premio. E premionan tabata di Naf. 3000,-, Naf. 4500 i Naf. 7500. E notario designá a determiná den ki sekuensia e 3 klientenan por a skohe nan “box”. E promé na turno tabata pa sr. N. Cijntje, di dos pa sr. N. Basilo i por último a toka turno na sr. E. Troeman.

E ganador di e premio mayó  (7500,-) n’e momentu mágiko tabata sr. N. Cijntje. E premio di Naf. 4500,- a ser ganá dor di sr. N. Basilo i e premio di Naf. 3000,- a ser otorgá na sr. E. Troeman.

Kooyman ke ekstendé un kaluroso pabien na tur persona ku a partisipá na e kampaña i espesialmente e ganadornan!

E aña tras di lomba tambe e kampaña tradishonal di Kooyman  tabata un éksito rotundo.  E kampaña mágiko a tuma lugá manera tur aña na filialnan di Kooyman na; Barbados, Boneiru, Aruba i St. Maarten. Kada un naturalmente ku nan propio ganadornan lokal.

Kooyman ta orguyoso riba e aña pekuliar tras di lomba kaminda nan a sa di sera e aña ku broche di oro.

Kooyman ta ansioso pa risibí klientenan e aña aki tambe ku brasa habrí den un di e filialnan.

LAGA UN KOMENTARIO

Please enter your comment!
Please enter your name here