WILLEMSTAD.- Kòrsou a hisa su bandera riba Plasa Brion, riba dia di Himno i Bandera. Un gran kantidat di públiko tabata presente e aña aki pa asistí na e selebrashon. Banda di invitadonan manera su ekselensia gobernador i pareha, Konseho di Minister kompletu i miembronan di Parlamento, por a tuma nota di algun di e futbolistanan miembro di e selekshon nashonal di futbòl ku a kaba di partisipá na Kopa Mundial, porsierto e promé partisipashon di Kòrsou na Kopa Mundial. Na e okashon aki a hasi entrega di Krus di Mérito na sinku persona.
Gilbert Martina presidente di FFK i kapitan di e selekshon sr. Bacuna a gradisí hinter pueblo di Kòrsou pa e sosten grandi ku nan a haña i sinti pa nan partisipashon den mundial. E trabou ku e selekshon aki a realisá definitivamente a pone Kòrsou riba mapa mundial i banda di esei a trese un nivel di orguyo, patriotismo i union nunka bisto. Tur detaye den edishon di EXTRA.
