WILLEMSTAD.- Soul Beach Music Festival ta duna algun motibu dikon Kòrsou a bira su kas nobo.
E organisadónan ta indiká ku si nunka bo a bishita Kòrsou, awèl prepará pa kai enamorá di e isla aki ku su arte kulinario, bon ambiente i bunita playanan. P’esei e organisashon ta trese Soul Beach, na un dje paisnan di Karibe ku tabata manera un sekreto bon skondí.
Kiko por spera di Kòrsou: awanan blou ku ta parse no ta real, kayanan mas kolorido ku bo paña, bunita bahada di solo, kalidat haltu di músika i esenanan kultural, i masha importante mas di 35 playa. Pe motibunan aki, Kòrsou no simplemente ta un lokalidat pa Soul Beach, pero e ta e kas nobo pa Soul Beach Music Festival.
