WILLIAMSPORT.- Awe 1or di atardi Kòrsou lo ta mira akshon atrobe den Little League World Series, ora nan topa ku e representashon di Latino Amérika kual ta Nicaragua. Ámbos ekipo ta invikto ainda den e torneo. Nicaragua a gana su promé tres partidonan, miéntras Kòrsou a gana su promé dos weganan sin permití ni un kareda.
Ganadó di e partido aki, lo avansá pa e final internashonal. Esaki ta plania pa tuma lugá djasabra 12.30 di mèrdia. E pèrdèdó lo ta bèk den akshon mañan 3or di atardi.
Nan lo mester enfrentá sea e representashon di Hapon òf e esun di Canada.
