Kòrsou ku mas 40 trofeo den BMX na Florida

WILLEMSTAD.- Di 22 pa 25 di febrüari 2018 Kòrsou a partisipá na un kompetensia internashonal di baiskel BMX ku a tuma lugá na Oldsmar Florida USA, yamá Gator Nationals.

E team di Kòrsou a konsistí di 24 siklista ku ya pa hopi tempu ta entrená na e pista Internashonal di Global BMX na Damacor. Bou di guia di coachnan lokal por a mira e resultado di e preparashon intensivo ora ku Kòrsou a konkistá mas ku 50 trofeo durante e kuater dianan di kompetensia internashonal na Oldsmar, Florida.

E siklistanan ku a gana un òf mas premio, ta: Enzo Henriquez, Deshawn Agard, Gabriel Herrera, Zainho Paulina, Shahir Boelijn, Kylen Louisa, Mauro Herrera           , Caelan Broos, Nigel Richardson, Chariph Langguth, Ginsley Schotborg, Vennies Vorst,  Jeremy Kirindongo, Didion Bonifacio, Jozua Martina, Jayden Schoenmaker, Joshua Petronilia, Shadon Ostiana, Goshue Keep, Lakisha Richardson, Djuraine Finies, Andey Steinbach, O’brian Valorian, i Benjamin Zimmerman.

Felisitashon na tur e siklistanan ku a saka kara di Kòrsou en grande.  Tambe un gradisimentu na Curaçao Wielerbond (CWB) i  na e spònsernan ku a koperá pa hasi e biahe aki posibel.

Danki spesial na gerensia dje fasilidat Internashonal di Global BMX Track na Damacor, kaminda ku e siklistanan ya pa algun aña ta train ku e meta pa por kompetí na nivel haltu internashonalmente.

SHARE

LEAVE A REPLY