Kòrsou no ta sera espasio aéreo ora Aruba habri pa Merka

WILLEMSTAD.-Kòrsou no ta sera espasio aéreo ku Aruba despues ku e isla ruman habri nan espasio aéreo ku Merka, asina dr. Izzy Gerstenbluth a informá. Gerstenbluth a splika ku no ta sera frontera mes. Mesun areglo ku ta konta pa e islanan ta keda na vigor pasobra ta konsiderá ku e islanan tin rísiko abou debí no tin transmishon lokal. Gerstenbluth a sigui splika ku ora Aruba habri pa Merka nan ta hasi lo máksimo pa evitá ku e vírus ta plama serka nan, pero natural nan ta kore rísiko. Merka ketu bai ta keda un pais di rísiko haltu. E pandemia ta subiendo na lugá di baha na Merka.  Aruba ta habri frontera 10 yüli ku Merka miéntras ku St. Maarten tambe intenshon pa habri pero dia 1 ougùstùs. For di 1 yüli Kòrsou a habri espasio aéreo pa paisnan di riesgo mediano sin ku hendenan ku yega mester bai karentena. Kòrsou a keda na mesun kantidat di 25 hende ku a tèst positivo. Awor aki no tin niun kaso aktivo na Kòrsou. Mas detaye den edishon di EXTRA.

SHARE

LEAVE A REPLY