Torneo di Reino 2019: Kòrsou ta dal Boneiru duru den basketbòl

Anthony Stephens Tekniko Basketbòl

KRALENDIJK,- Torneo di Reino 2019 ta kontinuando den gran forma i nos hóbennan ta gosando un bòl na Boneiru hasiendo deporte sosialisá i konosé amigunan nobo. E kompetensianan ta tuma lugá den e deportenan beisbòl, basketbòl i futbòl.
Kòrsou a dal Boneiru duru den basketbòl ku a tuma lugá den e Sporthal Jorge Nicolaas aunke e resultado no ta esun mas importante pero e forma kon e muchanan ta gosando den e siman aki na Boneiru. Tékniko di basketbòl di e selekshon di Kòrsou sr Anthony Stephens a splika ku den e ekipo di Kòrsou tin algun talento ku sigur ta halando atenshon durante dje partidonan pero mas importante ta ku pa medio dje torneo aki i e proyekto “ Ami mi mes i mi logronan” ta yuda forma e hóben i duna e oportunidat pa e tambe por defendé bandera di su pais den deporte . E proyekto ta un ku sigur mester kontinuá, segun sr Stephens i ta di spera ku Hulanda lo kontinuá ku e parti finansiero pa organisá e tipo di torneonan aki tur aña pa e muchanan por topa otro mucha di otro pais i sera konosí ku otro kultura.
Pa loke ta e ekipo di Kòrsou pa loke ta basketbòl sr Stephens ta bisa ku nos ta bon representá i kada mucha a prepará hopi bon i ku dedikashon.

Zhaith Kirnon

Zhaith Kirnon ku ta un dje talentonan ta hopi kontentu ku e por a representá Kòrsou den e torneo aki, durante dje partido kontra Boneiru e tabatin un tremendo aktuashon. “Mi tabata hunga beisbòl promé pero mi a kansa di beisbòl i awor mi ta dediká mas tantu na basketbòl” palabranan di Zhaith Kirnon. Segun Kirnon, e chèns ku el a haña pa por defendé Korsou den deporte ta algun grandi i e ta hopi agradesido na e proyekto “ Alleen jij bepaalt wie je bent “ otro dje hungadónan ku tabata hopi kontentu di por ta na Boneiru ta Jean Derick ku normalmente ta hunga basketbòl na Kòrsou pero e ta hopi kontentu di por a haña e oportunidat di por hunga den e Torneo di Reino pa siña konosé otro hóbennan i hasi loke e ta gusta ku ta deporte. “ Mi ta haña e proyekto aki hopi bon paso e ta forma bo i laga bo mira bida otro i mas ainda pa logra bo metanan den bida “ Palabra di Jean Derick ku a duna bunita presentashon durante dje partido ku Kòrsou a gana d Boneiru.

Jean Derick
SHARE

LEAVE A REPLY