Kòrsou ta debutá mayan den Little League World Series

...E ekipo di Kòrsou ku ta den representashon di region di Karibe. Eksito na nos hóbennan pelotero...

WILLEMSTAD.- Ekipo di Kòrsou den Little League World Series na Williamsport, Pennsylvania, den ora nan di mayan mèrdia lo subi tereno pa nan promé kompromiso. Kòrsou su promé wega kontra di Oustralia den e grupo di ekiponan Internashonal.

Manera ta e kustumber, e torneo di Little League ta dividí den dos sekshon. Tin e grupo di ekiponan for di vários parti di Merka i e grupo internashonal. Kada sekshon ta saka su kampion i e dos ekiponan aki riba 25 di ougùstùs lo enfrentá otro den e gran final.

Kòrsou tin un título di kampion di World Series Little League i esaki ta data di aña 2004. E aña despues, 2005, Kòrsou a titulá sup kampion.

Komo representante di Karibe, Kòrsou pa di 13 biaha ta tuma parti na e Seri Mundial. Pa Liga Pabou di Kòrsou, esaki ta su di nuebe (9) aparishon for di despues di nan promé trep den 1980.

Tantu e sekshon Internashonal komo esun di USA ta konta ku 8 ekipo kada un, pues un total di 16 ekipo den e kampionato aki ku ta konta ku un tremendo kobertura na Merka. Inkluso vários dje partidonan lo keda transmití pa un dje stashonnan di ESPN, miéntras ku tambe por sigui nan riba Facebook (mira: Little League World Series 2019).

Ku e debut di Kòrsou. Ku un viktoria riba Oustralia, e siguiente kontrinkante pa Kòrsou ta bira ganadó dje wega entre Asia-Pasifiko i Amérika Latina. E kampionato ta dòbel eliminatorio.

SHARE

LEAVE A REPLY