WILLEMSTAD. – Kòrsou ta wak atras riba un wikènt trágiko ku tres morto den tráfiko. Den e mardugá di djasabra tráfiko ta eksigí morto di un dama i ayera kasi 12’or di anochi, tráfiko ta eksigí dos morto mas. Segun e promé informenan no ofisial ku a yega na redakshon di EXTRA ta indiká ku e vehíkulo ku e dos víktimanan tabata riba kaminda di Soto den e vehíkulo ku un dado momentu a pèrdè kòntròl i bai dal den un palu di lus i finalmente dal den un palu kant’i kaya ku ta djis pegá ku un parada di bùs. E impakto tabata asina fuerte ku e dos okupantenan den e outo no a sobrebibí e slanan ku nan a risibí.
