WILLEMSTAD.-Servisio di informashon di gobièrnu di Kòrsou ta informá ku pa awe 15 di sèptèmber tin 8 kaso nobo di hendenan ku a tèst positivo pa Corona vírus. Di e 8 kasonan aki 4 ta importá, unu ta liga na kasonan eksistente i di e sobrá tres kasonan e fuente no ta konosí ainda.

Esaki ta trese e sifranan total for di mart na 169 kaso di kua 107 ta aktivo i tin 2 kaso ku ta hospitalisá i 61 persona a rekuperá.

For di awe diferente medida adishonal a drenta na vigor entre otro ku establesimentunan mester sera pa 10 or anochi. Pa djaweps awor ‘toque de queda’ ta drenta na vigor. Tur esaki ku ophetivo pa protehá e komunidat aki, sinembargo ta keda na kada siudadano pa hasi su parti kual ta evitá aglomerashon, tene distansia i mantené reglanan di higiena estriktamente.

LAGA UN KOMENTARIO

Please enter your comment!
Please enter your name here