DEN HAAG.- Un hende muhé ku a pidi i a haña asilo kaba na Alemania a bai Hulanda i pidi asilo einan tambe. Na dado momentu outoridatnan hulandes a indiká e señora ku e mester bandoná Hulanda i bai Alemania, e pais unda e tin un asilo pero e señora a ninga di Sali i komo tal a duna òrdu pa detené e señora pa garantisa ku e ta bandoná Hulanda. E señora a bai korte reklamando ku a trapa su derechonan, pero entretantu korte di apelashon a dikta ku gobièrnu hulandes a aktua korekto na momentu ku a detené e señora pa oblig’e bandoná Hulanda.

Manera indiká e señora tabata ilegal na Hulanda, miéntras ku ya kaba el a pidi i haña asilo na Alemania. Na 2018 ora ku ainda e señora no kier a bai e sekretario di estado hulandes Harbers a laga detené e señora enkuestion pa garantisa ku ta sak’e for di Hulanda. E señora a bai korte mustrando ku e aktuashon di e sekretario di estado lo ta kontra di e areglo oropeo pa manda ilegalnan bèk. Korte di apelashon na Luxemburg ta di opinion ku e interpretashon ku e señora a duna na  e areglo oropeo ta inkorekto.

 

LAGA UN KOMENTARIO

Please enter your comment!
Please enter your name here