A konfiská outo di e akusado na Boneiru

KRALENDIJK.- Korte di promé instansia na Boneiru a kondená un hòmber di 35 aña na 48 luna di kastigu di prizòn di kual 6 kondishonal ku un periodo di prueba di 3 aña pa akto nan kontra moral. A sali na kla ku durante un periodo basta largu e hòmber tabatin sèks ku 2 menor di edat. Un di e víktimanan tabata bou di 12 aña tempu ku esaki a kuminsá i e di dos víktima tabatin ménos ku 16 aña di edat. Pa un di 3 víktima hues no a haña ku tabatin sufisiente prueba. A kondena e sospechoso tambe pa poseshon di pòrno infantil. Tambe a konfiská e outo di e akusado. Ademas e akusado mester paga daño di perhuisio na e víktimanan. Lo usa parti di e plaka ku sali for di benta di outo pa kubri e daño di perhuisio na e víktimanan. Ministerio Públiko ta manda señal kla ku esun ku usa su outo pa hasi sèks ku menor di outo ta pèrdè su outo.

LAGA UN KOMENTARIO

Please enter your comment!
Please enter your name here