Korte a rekonfirmá desishon pa deklará Banco del Orinoco bankrut

Posishon finansiero BDO ta deplorabel

WILLEMSTAD.- Korte di hustisia a rekonfirmá e desishon pa deklará Banco del Orinoco (BDO) bankrut. E desishon aki a kai den korte ayera 13 di novèmber, den kua korte a rechasá e petishon pa nulifika e desishon di bankrut.

Manera EXTRA a informá anteriormente, ku un desishon di korte fechá 5 di sèptèmber 2019 riba petishon di Banko Sentral di Korsou i St.Maarten, a deklará Banco del Orinoco bankrut. Na e okashon ei korte a konstatá ku BDO a hasi uso di dokumentunan falsifiká pa duna supstansia na su posishon finansiero i den e kuadro ei korte a konsiderá ku Banko Sentral tabatin rason di pidi pa deklará BDO bankrut. Durante di e periodo ku a pone BDO bou di areglo di emergensia a konstatá tambe ku e posishon finansiero di BDO ta deplorabel. Riba petishon di Banko Sentral a deklará Banco del Orinoco bankrut. Mas detaye den edishon di EXTRA.

Banco del Orinoco deklará fayit

SHARE

LEAVE A REPLY