LAHORE, PAKISTAN, AP.- Un tribunal pakistani a anulá e sentensia di morto kontra e eks gobernante militar di e pais, Pervez Mucharraf.
E Supremo Tribunal di Lahore a deklará ku e tribunal ku a ehuisia e gobernante anteriormente no tabata legítimo.
E abogadonan di Musharraf a apelá e sentensia kaminda el a wòrdu demanda pa apliká leinan di emergensia di forma inkonstitushonal.
Musharraf, eks hefe di ehérsito, a okupá e puesto despues di un gòlpi di estado na aña 1999, despues ku a retirá gobièrnu di e promé minister Nawaz Sharif. El a apliká un estado di emergensia i a detené vários hues. E desishon aki a kousa un ola di protesta ku a terminá den su renunsia na aña 2008.
Azhar Sadique, abogado di Musharraf, a selebrá e desishon di Tribunal pero a atvertí ku: “nos mester determiná kon gobièrnu lo reakshoná riba e desishon”. El a agregá ku Musharraf tabata víktima di un maniobra polítiko i ku el a wòrdu akusá ku traishon pa e gobièrnu na aña 2014, despues ku Sharif a regresá na poder.
