WILLEMSTAD. Korte Superior a kaba di rechasá e petishon di e kondenado Frailon Pieter, pa habri e kaso di asesinato ku a haña e nòmber di ‘Asesinato Bandera Grill’ . Tabata un petishon di e asina yamá “herzieningsverzoek”. Pieter a keda sentensiá na 2006 na un kastigu di 24 aña pa asesinato di Albertico Martha dia 8 di òktober na altura di Bandera Grill den Kanga. El a keda sentensia pa Korte Promé Instante i pa Korte Apelashon miéntras ku e kastigu a keda konfirmá tambe na Hoge Raad di Ulanda. Na 2012 tambe a trata na bolbe habri e kaso pero esei no a otorgá pa Hof. Awe atardi Korte Superior a rechasá e petishon pa habri e kaso. Korte no a haña ku tabatin novedat. E kondenado a keda desapuntá i a bandoná sala di Korte kabes abou.
