WASHINGTON, MERKA, AFP.- Korte Supremo di Merka a konsedé suspenshon temporal di ehekushon djabièrnè, di un hòmber kondená pa asesinato, kende su kaso a generá petishonnan di klemensia di papa Fransisco i personanan famoso di Hollywood.

Richard Glossip, di 60 aña, mester a wòrdu ehekutá ku inyekshon mortal riba 18 di mei, pero Korte di Nashon a suspendé su ehekushon miéntras ta studia e kaso.

A tuma e desishon despues ku e fiskal general di Oklahoma a pidi Korte pa par e ehekushon pa dudanan tokante imparsialidat di e kaso.

Glossip a keda kondená na 1997 pa morto di e doño di un motèl na Oklahome City, pero manteniendo su deklarashon di inosensia.

Glossip, kende ta traha na e motèl, a wòrdu deklará kulpabel di kontratá un otro empleado di e establesimentu, Justin Sneed, kende tabatin 19 aña pa kometé e asesinato.

Glossip a keda kondená despues di testimonio di Sneed, kende a deklará kulpabel i por a negoshá su kondena di bida largu despues ku el a señalá su kolega komo e mente maestro di e plan.

Glossip su kaso tabata tema di un serie dokumental di kuater kapítulo yamá “Killing Richard Glossip”.

 

LAGA UN KOMENTARIO

Please enter your comment!
Please enter your name here