WASHINGTON,USA (AFP).- Korte Supremo di Merka ayera a duna veredikto ku ta permití pa gobièrnu di Donald Trump hasi uso di Lei di Enemigunan Estranhero di 1798 pa deportá aparente miembronan dje gèng venezolano Tren de Aragua. Pero e máksimo tribunal a vitamina ku e migrantenan ei mester tin “e posibilidat di bringa nan ekspulshon”.
E desishon di Korte Supremo ku 5 voto na fabor i 4 kontra, lo permití e gobièrnu di Trump pa reanudá e deportashonnan blokiá pa un hues di distrito.
Trump a hasi uso di Lei di Enemigunan Estranhero ku anteriormente a keda usá solamente den tempu di guera, pa hustifiká e detenshon di supuesto miembronan di gènnan venezolano i deportá nan pa un prizòn di máksimo seguridat na El Salvador.
E presidente republikano, ku den su kampaña a komprometé su mes pa deportá miones di migrante sin dokumento, a selebrá e desishon dje tribunal máksimo refiriendo na esaki den un publikashon riba Truth Social.
“Korte Supremo a defendé e estado di derecho di nos nashon permitiendo ku e presidente, ken ku e ta, por garantisá seguridat di nos fronteranan i protehá nos famianan i nos pais”, segun Trump, refiriendo na: “Un gran dia pa Hustisia na Merka!”
E wes di distrito James Boasberg a emitié un orden hudisial ku a prohibí buelonan di deportashon bou di lei di1798, despues dje buelonan di 15 di mart.
Korte Supremo a lanta e órdennan di restrikshon temporal di Boasberg, pero prinsipalmente pa rasonnan tékniko. E migrantenan na Texas a presentá e demandanan pa evitá deportashon, miéntras ku e kaso dilanti di Boasberg a move pa Washington.
Na mes momento, Korte Supremo a pone bon kla ku e migrantenan ku por keda deportá bou dje lei tin derechi pa risibí un proseso,
