NEW YORK.- Un tribunal di apelashon a bolbe establesé e restrikshonnan imponé riba Donald Trump pa protehá e ekipo di hues ku ta trata e kaso sivil pa froude finansiero dje magnate i parti di su famia na New York, despues ku e tribunal a denunsiá un avalancha di insulto dje èks-presidente riba internèt.

E èks-presidente norteamerikano ta akusá, ku dos di su yunan, Donald Jr. i Eric Trump, di a hisa e balor dje akshonnan inmobilario dje empresa  familiar Trump Organization pa haña kréditonan di banko na den kondishonnan faborabel.  E famia ta refutá kualke froude.

Dia 3 di òktober, e di dos fecha dje kaso di hopi riesgo pa e imperio inmobilario di Donald Trump, e hues Arthur Engoron a prohibí ámbos parti di hasi kualke komentario públiko riba su ekipo, despues di un publikashon for di òrdu riba su sekretario hudisial di parti di Trump riba esaki su ret sosial Truth Social.

E hues a imponé dos multa pa un total di 15,000 dòler pa e multimionario republikano pa motibu di e.o.  a akusá e hues di ta “maton” i e fiskal general di estado di New York, Letitia James, a keda kalifiká  komo “korupto i rasista”.

Un tribunal di apelashon a suspendé e restrikshonnan imponé dia 16 di novèmber, despues di un kaso dje abogadonan dje èks-presidente.

Segun desishon di hues ayera, e korte di apelashon a rechasá e demanda di Trump i a pone bèk e restrikshonnan.

Durante dje kaso, un funshonario di tribunal a referí na un dokumento den kua por mira ku e hues i su ekipo tur dia ta risibí kantidat grandi di yamada di telefòn ku menasa, komo tambe via di e-mail.

E libertat di ekspreshon di Donad Trump tambe lo ta un tema riba kua lo debatí den e kaso federal ku lo start 4 di mart di 2024 na Washington, den kua ta akus’é di maniobranan ilegal pa anulá resultadonan di elekshonnan di 2020.

LAGA UN KOMENTARIO

Please enter your comment!
Please enter your name here