KIEV, UKRANIA, AFP.- Un tribunal di Kiev a kondená un sòldat ruso deklará kulpabel na bida largu den prizòn pa krímennan di guera. Esaki ta e promé veredikto di su sorto desde komienso di e invashon di Rusia na Ukrania.
Vadim Shishimarin, di 21 aña, a atmití ku el a mata un sivil di 62 aña. “Korte a haña Shishimarin kulpabel i a sentensi’é na bida largu”, asina hues Sergiy Agafonov a bisa.
Shishimarin a deklará ku e ta lamentá e suseso i a pidi viuda di e víktima pordon. El a hustifiká su akto bisando ku ta òrdunan ku el a risibí.
Pero fiskalnan a afirmá ku el a tira entre tres i kuater bala ku intenshon di mata e sivil.
