WASHINGTON, AP. – Korte Supremo di Merka mester disidí si gobièrnu por deportá personanan ku no ta siudadano di e pais si nan keda deklará kulpabel di abusu seksual di un menor den sierto estado.
E huesnan a bisa djabièrnè ku ta konsiderá un apelashon di un hòmber ku a tene relashon seksual ku un menor di edat. Juan Esquivel Quintana tabatin 21 aña na momentu ku el a tene relashon seksual ku su frei, di 16 aña.
E lei di California ta konsiderá relashon seksual konsensual ku kualkier persona menor di 18 aña komo un akto kriminal, si e diferensia di edat ta mas di tres aña. Pero Esquivel ta argumentá ku su kondukta tabata legal bou di lei federal i e leinan di 43 estado ku ta mas estrikto.
Un Korte Federal di apelashon a indiká ku e kondená na California ta sufisiente pa deportá Quintana bou di lei federal di inmigrashon.
