DES MOINES, AP.- E situashon a kuminsá bira kompliká pa Donald Trump riba su kaminda pa alkansá 270 voto elektoral. E sifra ei ta nesesario pa e kandidato gana presidensia merikano.
Trump mester reforsá su posibilidatnan pa e ta riba e mapa elektoral i esaki parse por si e yega na e kurason di e parti industrial di e pais, serka di e Lagonan Grandi. Den dianan pasá el a bishitá Michigan i Pensylvania. Ta parti di e pais kaminda parse e lo por kompetí ku su viral demókrata Hillary Clinton.
E sifranan ta malu pa Trump espesialmente na Colorado, Virginia i North Carolina. E ekipo di kampaña di Clinton a kuminsá gasta un poko mas sèn na Georgia i Arizona, estadonan ku tradishonalmente a vota na fabor di kandidatonan republikano pa presidente.
“Trump mester kuminsá hasi algun moveshon”, asina Stephan Thompson un asesor senior di gobernadó di Wisconsin, e republikano Scott Walker a bisa.
“Nos mester pa e tin un siman positivo ku e fin di krea un trayektoria positivo. No ta mira esei den niun lugá sea Wisconsin, Ohio òf den otro lugá”, asina el a atvertí. Na momentu ku falta tres luna pa votashon dia 8 di novèmber, e mapa elektoral pa Trump ta lusi poko prometedor.
E fase di votashon antisipá ta kuminsá otro luna, ke men aló ménos e votantenan tin un oportunidat amplio di kambia di opinion. Pa awor aki Clinton tin un bentaha bon kla den e enkuestanan di preferensia, nashonal i estatal, den un momentu kritiko den kampaña.
