PRISTINA, KOSOVO, AP.- Asamblea di Kosovo a reuní djadumingu den un seshon spesial pa selebrá 10 aña di independensia di e pais, den un seremonia ku a wòrdu bòikotiá pa legisladornan serbio.
E presidente di Parlamento, Kadri Veseli a sigurá ku “e segundo dékada di independensia mester ta di focus riba e bienestar ekonómiko di siudadanonan di Kosovo”.
E segundo dia di selebrashon a kontinuá ku un desfile di forsanan militar i di polis i ku un resepshon di estado.
Dia 17 di febrüari 2008, Asamblea di Kosovo a deklará su independensia di Serbia unilateralmente, nuebe aña despues ku e Organisashon di Tratado di Atlántiko Norte (NATO) a kondusí un atake aéreo durante 78 dia kontra serbionan pa detené un represhon sangriento pa albanesnan.
Kosovo, un di e paisnan mas poder di Europa, a duna un promé paso pa bria miembro di e Union Europeo pa firma e Akuerdo di Stabilisashon i Asosiashon. Sinembargo, e pais, ta enfrentá desafionan kompliká manera: establesé un estado di derecho i kombatí di porsentahe haltu di desempleo, di korupshon i di krímen organisá.
